right|250px|thumb|Migrant mother (madre emigrante), semeya de Dorothea Lange (1936) na qu'aparez Florence Owens Thompson, ma de siete fiyos y trabayadora agrícola treshumante que se convirtió n'imaxe icónica de la Gran Depresión. La Gran Depresión foi una fonda depresión económica d'alcance qu'asocedió na década de 1930. La so estensión temporal foi distinta nos distintos países, pero na mayoría d'ellos entamó en 1929 y duró hasta finales de la década de 1930Garraty, John A., The Great Depression, 1986.. Foi la más llarga y fonda de toles depresiones económiques del sieglu XX, y tamién la qu'afectó al mayor númberu de países,Duhigg, Charles, Depression, You Say? Check Those Safety Nets, The New York Times, 23 de marzu de 2008..
La depresión entamó nos Estaos Xuníos, cola cayida de los precios de les aiciones na bolsa de Nueva York qu'entamó alredor del 4 de setiembre de 1929, y convirtióse en noticia mundial col crack bursátil del 29 d'ochobre de 1929, conocíu de magar como Black Tuesday (Martes Prietu). Los efeutos de la depresión foron devastadores, tanto nos países ricos como nos probles. El productu internu brutu (PIB) mundial cayó un 15% ente 1929 y 1932. Los ingresos personales, la recaudación d'impuestos, los beneficios empresariales y los precios esbarrumbaron, y el comerciu internacional perdió un 50% del so valor. La tasa de paru alcanzó'l 25% nos Estaos Xuníos, y llegó al 33% en dellos paísesFrank, Robert H.; Bernanke, Ben S. Principles of Macroeconomics (3ª ed.). Boston, McGraw-Hill/Irwin, 2007, p. 98. ISBN 0-07-319397-6..
Les ciudaes de tol mundu, especialmente les mui dependientes de la industria pesada, sufrieron enforma, y la construcción paralizose cuasi completamente en dellos países. Los agricultores vieron como'l preciu de los cereales cayía un 60%Cochrane, Willard W. (1958). Farm Prices, Myth and Reality. p. 15.World Economic Survey 1932–33. League of Nations, p. 43., y les zones que dependíen económicamente de sectores como la minería y el tresporte, con demanda permenguada y escasos puestos de trabayu alternativu, foron les que peor lo pasaron.
Dellos países entamaron la so recuperación a mediaos de la década de 1930, pero en munchos otros los efeutos negativos de la Gran Depresión duraron hasta l'entamu de la Segunda Guerra MundialGarraty, John A., The Great Depression, 1986.. La eleición como presidente de Franklin Delano Roosevelt y l'establecimientu del conxuntu de midíes económiques conocíes como New Deal en 1932 foron el puntu de partida de la recuperación nos Estaos Xuníos. Por embargu, la perda de la financiación esterior, fundamental pa la economía alemana, nos principios de la década de 1930, y la depresión económica que la siguió facilitaron l'aparición del nacionalsocialismu y la xubida al poder d'Adolf Hitler.
L'aniciu de la crisis Los historiadores económicos suelen atribuyir l'aniciu de la Gran Depresión al repentinu colapsu de los precios de les aiciones na bolsa de Nueva York el martes 29 d'ochobre de 1929Entrada Gran Depresión na Encyclopedia Britannica (n'inglés)., pero hai dellos que, al contrariu, ven el crack de la bolsa más como un síntoma que como una causa de la Gran DepresiónFrank, Robert H.; Bernanke, Ben S. Principles of Macroeconomics (3ª ed.). Boston, McGraw-Hill/Irwin, 2007, p. 98. ISBN 0-07-319397-6.. Dafechamente, dempués del Black Tuesday l'optimismu duró entá un tiempu. John D. Rockefeller dixo que Estos son díes nos que munchos desanímense. Pero nos 93 años de la mio vida les depresiones llegaron y colaron. La prosperidá siempres volvió, y ha facelo otra vueltaSchultz, Stanley K. (1999). Crashing Hopes: The Great Depression. American History 102: Civil War to the Present. University of Wisconsin–Madison.. El mercáu de valores entamó a xubir otra vuelta nos primeros meses de 1930, llegando pa abril a los niveles de principios de 1929. Sicasí, esto yera entá un 30% menos del valor de la bolsa en setiembre de 1929. lang=ast|right|thumb|350px|Evolución del índiz Dow Jones en 1928-30. El gobiernu y les empreses, tomaos en conxuntu, gastaron más na primer metada de 1930 que nel periodu correspondiente del añu anterior. Pero los consumidores, que munchos d'ellos perdieran munchu dineru na bolsa l'añu anterior, recortaron los sos gastos un 10%, y a esa situación xunióse la gran seca que sufrió la zona del Mediu Oeste, aú se concentraba la producción agrícola d'Estaos Xuníos, dende mediaos de la década de 1930. Pa esi momentu les tases d'interés cayeran a niveles baxos, pero la espectativa de deflación y el reparu de la xente a pedir dineru prestáu ficieron que cayeran enforma el gastu de los consumidores y la inversiónHamilton, James (1987). Monetary Factors in the Great Depression. Journal of Monetary Economics 19 (2):145–169. doi:10.1016/0304-3932(87)90045-6. Pa mayu de 1930 les ventes de coches cayeran perbaxu los niveles de 1928. Los precios empezaron a cayer, magar que los salarios caltuviéronse estables; pero en 1931 entamó una espiral deflacionista. Les condiciones foron peores nes zones rurales, pol desplome de los precios de los productos agrícoles, y nes zones mineres y madereres, pol aumentu del desemplegu y la falta d'alternatives pa los que quedaben en paru.
La decayencia de la economía d'Estaos Xuníos foi'l factor qu'emburrió a los otros países a la crisis nún primer momentu, y dempués foron les fortaleces o debilidaes internes de cada país les que ficieron qu'afrontara la crisis de meyor o peor manera. P'afrontar la crisis y apuntalar la economía interna los países entamaron polítiques proteicionistes, lo que produció una cayida entá mayor del comerciu a nivel mundialThe Great Depression: Causes of the Crash 1919-1929 Richard C Hanes & Sharon M Hanes. Historic Events for Students: The Great Depression. Volumen 1. Detroit, Gale, 2002.. Pa finales de 1930 entamó un descensu, sele pero continuu, de la economía mundial, que nun había tocar fondu hasta 1933.
Indicadores económicos Cambios nos indicadores económicos de 1929 a 1932Jerome Blum, Rondo Cameron, Thomas G. Barnes, The European world: a history (2ª ed. 1970) page 885
Estaos Xuníos Gran Bretaña Francia Alemaña Producción industrial –46% –23% –24% –41% Precios al por mayor –32% –33% –34% –29% Comerciu esterior –70% –60% –54% –61% Desemplegu +607% +129% +214% +232%
Causes de la crisis Les dos teoríes clásiques que tenten desplicar la Gran Depresión son la keynesiana (depresión dirixida pola demanda) y la monetarista. Arriendes d'elles hai otres teoríes heterodoxes que rechacen o consideren accidentales les esplicaciones de keynesianos y monetaristes.
Les teoríes de la depresión dirixida pola demanda afirmen que la perda a gran escala de la confianza provocó un descenso repentín del consumu y de la inversión. Una y bones la llercia y la deflación instaláronse, muncha xente pensó que si se manteníen alloñaos de los mercaos conseguiríen evitar pérdides mañores. Tener dineru acumuláu entamó a ser ventayosu pola cayida continua de los precios, y esto fizo que la demanda baxara y baxara.
Los monetaristes afirmen que la Gran Depresión entamó como una recesión económica normal, y que foi la reducción de la oferta monetaria la que fizo empeorar la situación económica, provocando una recesión qu'acabó llevando a la Gran Depresión.
Economistes y historiadores económicos divídense ente los que creen na esplicación monetaria tradicional, qu'afirma que la falta de dineru circulante foi la causa primaria de la Gran Depresioón, y los que sofiten la idea keynesiana de qu'una cayida nel gastu, y especialmente na inversión, foi la causa principal de la Gran DepresiónRobert Whaples, Where Is There Consensus Among American Economic Historians? The Results of a Survey on Forty Propositions., Journal of Economic History, Vol. 55, No. 1 (March 1995), p. 150.. Anguaño la controversia ye menos importante, una y bones la mayoría sofita la teoría de la deflación de la deuda y la hipótesis de les espectativas que, sobro la base de la esplicación monetaria de Milton Friedman y Anna Schwartz, añade consideraciones non monetaries.
Hai dél consensu en considerar que la Reserva Federal d'Estaos Xuníos tenía que haber interrumpíu el procesu de deflación monetaria y colapsu bancariu. Si talo ficiera la recesión hubiera sío menos fonda y muncho más cortaRobert Whaples, Where Is There Consensus Among American Economic Historians? The Results of a Survey on Forty Propositions., Journal of Economic History, Vol. 55, No. 1 (March 1995), p. 143..
Teoríes clásiques sobro les causes de la crisis Keynesiana L'economista británicu John Maynard Keynes defendió, na so obra General Theory of Employment Interest and Money (Teoría xeneral del emplegu, el interés ya'l dineru), que'l descensu del gastu agregáu, esto ye, del valor de tolos bienes y servicios de la economía, contribuyó a un descensu de los ingresos personales y del emplegu, que quedaron bien perbaxu de la so media normal. Esto condució finalmente al equilibriu con niveles perbaxos d'actividá económica y gran desemplegu.
La idea básica de Keynes yera simple: pa que la xente tenga trabayu los gobiernos tienen qu'entrar en déficits presupuestarios cuando la economía dexa de crecer pa tomar el relevu del sector priváu, que nun tien estimulu ni capacidá, neses circunstancies, pa invertir lo suficiente como pa caltener la producción nún nivel normal y consiguir sacar así la economía de la situación de recesión. Los economistes keynesianos defenden el papel activu del estáu, al traviés del aumentu de los sos gastos en sectores que proporcionen munchos puestos de trabayu (infraestructures, por exemplu) y/o del descensu de los impuestos, como la receta pa sacar a los países de la recesión.
Según avanzaba la crisis Franklin D. Roosevelt apostó pola construcción d'infraestructures y los subsidios agrícoles, ente más coses, pa intentar reactivar la economía d'Estaos Xuníos, pero nunca dexó d'intentar cuadrar el presupuestu añal. Según los autores keynesianos esto ameyoró la economía, magar que Roosevelt nunca gastó lo suficiente como pa poder facer crecer la economía hasta l'entamu de la Segunda Guerra MundialExemplos d'esta escuela de pensamientu podemos alcontralos en Klein, Lawrence R., The Keynesian Revolution. New York, Macmillan, 1947, páxs. 56–58, 169 y 177–79.; y en Rosenof, Theodore, Economics in the Long Run: New Deal Theorists and Their Legacies, 1933–1993. Chapel Hill, University of North Carolina Press, 1977. ISBN 0-8078-2315-5..
Monetarista Los monetaristes siguen la esplicación de la causa de la crisis que desarrollaron Milton Friedman y Anna J. Schwartz. Ellos sostienen, na so obra A Monetary History of the United States (Historia monetaria de los Estaos Xuníos) que la Gran Depresión foi causada pola crisis bancaria que fizo quebrar un terciu de los bancos del país, pol descensu de la riqueza de los accionistes y, principalmente, por la contraición de la masa monetaria nún 35%. En conxuntu esto causó una cayida de los precios (deflación) d'un 33%. Al nun baxar los tipos d'interés, nin aumentar la base monetaria (cantidá de dineru en circulación nún país) nin inyectar liquidez nel sistema bancariu pa prevenir el so esbarrumbe la Reserva Federal provocó la tresformación de lo que yera una recesión más na Gran Depresión. Friedman afirmó que la recesión económica qu'entamó col crack de la bolsa hubiera sío una recesión más si la Reserva Federal tuviera reaccionao con firmeza escontra ellaFriedman, M., Schwartz, Anna J., A Monetary History of the United States, 1867–1960. Princeton (New Jersey), Princeton University Press, 1963. right|thumb|300px|La Gran Depresión dende'l puntu de vista monetariu. N'azul, PIB axustáu a dólares de 1996; en colloráu, índiz de precios; en verde, ufierta monetaria, y en gris númberu de bancos n'EEXX. Tolos datos nún indice axustáu en porcentaxe nel qu'al so valor en 1929 dáse-y el valor 100.