Alavivu (sieglu IV-376) foi un caudiellu tervinxu mientres la entrada del so pueblu nel Imperiu romanuImperiu Romanu.
Cola invasión de los hunos, y la derrota del xuez tervinxu Atanaricu en 376, la mayoría de los tervinxos desertaron d'Atanaricu y dirixíos por Fritixernu y Alavivu foron almitíos pol emperador Valente nel Imperiu, darréu que Fritixernu fuera sofitáu por Valente en llucha escontra Atanaricu. Envalórase que cruciaron el Danubiu unos 200 000 visigodos, y Alavivu ye mentáu como'l líder de los tervinxos per delantre de Fritixernu, posiblemente porque tendría la más alta posición aristocrática.
La migración del pueblu tervinxu perpasó la capacidá alministrativa romana, y aprovechando esta situación forzaron la entrada grupos de greutungos fuxendo de los hunos: los de Farnobiu, y los de la confederación greutunga de los duces Alatéu y Safrax.
Cuando los tervinxos aportaron a Marcianópolis, hebo un conflictu que xeneró la Guerra Gótica (376–382). Alavivo ye mentáu per cabera vegada nesti momentu, y Fritixernu pasó a liderar a los tervinxos.
Ver tamién Llista de reis visigodos
Referencies
Categoría:Godos