El tapaculo celadoTapaculo Ocelado (Acropternis orthonyx) (Lafresnaye, 1843); Avibas. (Acropternis orthonyx) ye una especie d'ave de la familia Rhinocryptidae, que s'atopa en Colombia, Ecuador, Perú y Venezuela.
Hábitat Vive nos Andes, ente los 1.900 y 3.650 m d'altitú,Ridgely, Robert S. & Guy Tudor (1994) The Birds of South America: The suboscine passerines 429, pl.29. Texas University Press. nel monte húmedu con altores de dosel de 15 a 25 m y árboles dominantes como Brunellia, Hieronyma, Ocotea, Quercus humboldtii, Tibouchina y Weinmannia, polo xeneral bien cubiertos d'epífitas y especialmente na soviesca con abondoses carbes de bambú Chusquea, formando un marayu impenetrable xunto con otres plantes, como palmes Geonoma o arbustos Ericaceae. Por cuenta de la so dependencia de les carbes de bambú, que crecen nes escamplaes, paez tolerar baltar selectiva.
Descripción Mide 21 a 22 cm de llargor y pesa ente 80 y 100 g. El plumaxe ye principalmente negru con puntos blancos, cola cabeza y la graganta acolorataes ablondes y la grupa y el crísum color castañu, como una falda.
El so llamáu descríbese como un xiblatu fuerte y enfático juiuu!, que puede escuchase dende una llarga distancia.Salaman, Paul G.W.; Stiles, F. Gary; Bohórquez, Clara Isabel; Álvarez-R., Mauricio; Umaña, Ana María; Donegan, Thomas M. & Cuervo, Andrés M. (2002) "New and noteworthy bird records from the east slope of the Andes of Colombia"; Caldasia 24(1): 157-189.
Alimentación Aliméntase de material vexetal y artrópodos qu'atopa escargatando ente la tierra.
Subespecies Rexistráronse dos subespecies: A. o, infuscata en contrada nes mountñas d'Ecuador y el norte de Perú; y A. o. orthonyx, del Cordal Central y Cordal Oriental de Colombia y el noroccidente de Venezuela, wcon pequeñes poblaciones na Cordal Occidental, n'Antioquia nel Pandorial de Frontino.Krabbe, Niels; Flórez, Pablo; Suárez, Gustavo; Castañal, José; Arango, Juan David & Duque, Arley (2006) "The birds of Pandorial de Frontino, western Andes of Colombia"; Ornitoloxía Colombiana 4: 39–50
Reproducción Constrúi en dalgún arbustu, con mofu, palos delgaos, raicillas y plumes, un nial en forma globular de 22 por 30 cm, con una entrada llateral de 10 cm de diámetru. Machu y fema curien xuntos el nial y alimenten al pichón.Caycedo Rosales, Paula y Pedro José Cardona (2004) "El nial del tapaculo ocelado (Acropternis orthonyx)"; Ornitoloxía Colombiana 2: 41-44.
Referencies
Enllaces esternos
Categoría:Rhinocryptidae Categoría:Aves d'América del Sur Categoría:Xéneros monotípicos d'aves