Ammomanes deserti ye una especie d'ave paseriforme de la familia Alaudidae que vive nel norte d'África y Oriente mediu.
Distribución y hábitat Ammomanes deserti distribúise pelos desiertos y zones grebes d'El Sáḥara, y escontra l'este na península arábica y oriente mediu, sobre manera Irán, Afganistán y Paquistán. Vive en zones cascayoses grebes, y evita les zones llanes de sable.
Descripción Ye una pequeña ave de 15 a 16,5 cm de llargor. Ye color arena enriba y gris arrosáu maciu per debaxo, con una ancha factura amarellentada. La cola ye de color marrón acoloratáu con una banda difuminada escura. Dambos sexos son iguales, pero esiste una gran variación xeográfica; por casu, la A. d. payni del sur de Marruecos ye más gris percima que la Ammomanes deserti desrti, y tien los lladrales anaranxaos. Per otra parte, la A. d. annae del norte de Xordania tien la parte cimera, la cabeza y el pechu de color gris escuru.
Alimentación, reproducción y estáu de caltenimientu Constrúi'l so nial nel suelu, nun resquiebru de la roca o ente les piedres, y pon de 3 a 4 güevos. La so alimentación consiste principalmente en granes y inseutos, estos postreros sobre manera en dómina de reproducción.
Ta clasificada como especie so esmolición menor na Llista Colorada d'Especies Amenaciaes de la UICN.
Subespecies thumb|Güevos de Ammomanes deserti algeriensis. Conócense les siguientes subespecies:
Ammomanes deserti deserti Ammomanes deserti payni Ammomanes deserti akeleyi Ammomanes deserti algeriensis Ammomanes deserti annae Ammomanes deserti assabensis Ammomanes deserti azizi Ammomanes deserti geyri Ammomanes deserti isabellina Ammomanes deserti coxi Ammomanes deserti cheesmani Ammomanes deserti darica Ammomanes deserti erythrochroa
Referencies
Enllaces esternos
deserti Categoría:Animales descritos en 1823 Categoría:Aves d'Arabia Categoría:Aves d'Asia Categoría:Aves d'África