Auriparus flaviceps tamién conocíu como pelotu o pelotu verdín, ye una especie d'ave paseriforme de la familia Remizidae. Ye la única especie nel xéneru Auriparus y la única especie de la familia nel Nuevu Mundu.
Descripción Ye un páxaru de tamañu pequeñu. Mide unos 11 cm de llargor y anda a la tema col sastrecito común (Psaltriparus minimus) como unu de los paseriformes más pequeños n'América del Norte. Ye de color gris polo xeneral, y los adultos tienen la cabeza de color mariellu brillante y un parche acoloratáu nes coberteres. A diferencia de los herrerillos, tien el picu cola punta afilada.
Ye insectívoru, alimentándose de cutio ente árboles desérticos y carbes. Polo xeneral son solitarios sacante na temporada de reproducción. Dacuando va intentar llograr fragmentos d'agua azucarada seca nos comederos pa páxaros.
Distribución Ye residente permanente nel suroeste d'Estaos Xuníos y el norte de Méxicu, dende'l sureste de California a Texas, a lo llargo de Baxa California y el centru de Méxicu, al norte del Exa Neovolcánico.
Subespecies Reconócense seis subespecies:«Auriparus flaviceps (Sundevall, 1850)».ITIS. Consultáu'l 29 de setiembre de 2014. A. f. acaciarum A. f. flaviceps A. f. hidalgensis A. f. lamprocephalus A. f. ornatus A. f. sinaloae
Referencies
Enllaces esternos
BirdLife International (n'inglés).
Categoría:Remizidae Categoría:Aves d'América del Norte Categoría:Xéneros monotípicos d'aves Categoría:Animales descritos en 1850