Hildericu (c. 460-533) foi rei de los vándalos y los alanos ente 523 y 530. Fíu d'Hunericu y Eudoxa, nietu de Xensericu y de Valentinianu III y Licinia Eudoxa, primu y socesor de Trasamundu.
Biografía Heredó un reinu en fonda decadencia que nun se podía comparar militarmente col del so güelu Xensericu. Nel so reináu diéronse'l frañe de rellaciones colos ostrogodos darréu del asesinatu de la hermana de Teodoricu'l Grande, les derrotes frente a les tribus bereberes que tomaron casi tol reinu vándalu, les guerres escontra la nobleza y los afrorromanos deseosos de quitase d'enriba a los opresores vándalos. Recordando'l so heriedu romanu, al ser fíu de la fía de Valentinianu III, romanizó'l so reinu y caltuvo una política d'acercamientu a Constantinopla. Tamién favoreció a los católicos, pero esto consideróse un fallu polos vándalos conservadores, que lu llevó a enemistarse cola nobleza. Foi destronáu pol so primu Xelimer y muertu trés años dempués.
Referencies
Enllaces esternos Hilderico en Biografíes y vides
Categoría:Sieglu V n'Europa Categoría:Reis vándalos Categoría:Wikipedia:Mantenimientu:Persones ensin plantía NF Categoría:Wikipedia:Mantenimientu:Persones ensin plantía nym