'''Dendrocitta leucogastra ye una especie d'ave na familia Corvidae. Ye endémica de los montes del sur de la India. En ciertes árees habita la mesma zona que Dendrocitta vagamunda pero ye fácil estremalos pola so apariencia y llamáu.
Descripción El blancu de la so cabeza y cuerpu fai que seya fácil estremala de la Dendrocitta vagamunda simpatética. Esta especie polo xeneral alcuéntrase en montes más trupos y menos acomuñaos con asentamientos humanos que la pega vagamunda.
thumb|left|Llamaos (Grabaos en Wayanad).
Cuando canta, l'ave inclínase y baxa les sos ales. Delles aves pueden posase nun árbol y realizar cantares de forma repitida mientres la temporada de reproducción anterior al monzón (principalmente abril-mayu anque dalgunes empiecen en febreru). El nial ye una plataforma de paliyos allugada nun árbol de medianu porte. La puesta consiste de tres güevos, de color gris ceniza con pintes verdes y grises.
Ye común velos en bandaes mistes mientres se procuren l'alimentu y de cutiu xunto con exemplares de Dicrurus paradiseus.
Distribución Alcuéntrase nos montes de los Ghats occidentales principalmente al sur de Goa. Un rexistru de Erimalai cerca de Dharmapuri ya informes de Surat Dangs y los Ghats al sureste de Andhra Pradesh indiquen la presencia de poblaciones fuera de la zona principal na qu'habita. Esisten duldes sobre la validez d'un rexistru de la zona central d'India (Chikalda, Gawilgarh).
thumb|left|Ilustración de John Gould, 1835
Referencies
Categoría:Aves de la India Categoría:Dendrocitta Categoría:Animales descritos en 1833