Lamprotornis superbus ye una especie d'ave paseriforme de la familia Sturnidae. Alcuéntrase tantu na sabana como nes rexones más verdes del África oriental. Tamién ye frecuente nes rexones suburbanes y urbanes de munches ciudaes n'Etiopía, Somalia, Uganda, Kenia y Tanzania. thumb|left|Estornín sobeyosu en vuelu. Taita-Hills, Kenya.
El plumaxe ye de cinco colores: negru, azul verdoso, azul metálico, blancu y colloráu. Un exemplar adultu mide aproximadamente 18 centímetros.
Aliméntase esencialmente d'inseutos, merucos, granos y frutos que busca nel suelu, pero nos ambientes urbanos suel averase a los seres humanos pa llograr alimentos.
Los niales son construyíos n'arbustos, n'árboles de medianu altor y tamién en roqueríos. En cada puesta la fema deposita cerca de 12 güevos que son guaraos mientres doce díes. Del cuidáu de les críes encárguense tantu les femes como los machos.
Referencies
Bibliografía Dale Zimmerman, Donald A. Turner y David J. Pearson. Birds of Kenya and Northern Tanzania, Princeton University Press, 1999, ISBN 0-691-01022-6
Enllaces esternos
Videos, audiu y semeyes del estornín sobeyosu nel sitiu de la IBC (Internet Bird Collection)
Categoría:Aves d'África superbus