Mimus gundlachii ye una especie d'ave paseriforme de la familia Mimidae. Habita en Cuba, Xamaica y Les Bahames.
Nomes Mimus en llatín significa “imitador”, pola habilidá de delles especies d'esti xéneru p'asonsañar el cantar d'otres aves, gundlachii por ser dedicáu al zoólogu xermano-cubanu Juan Gundlach. ‘Sinsonte’, voz d'orixe mexicanu (cenzontle), ye'l nome común cubanu de les aves d'esti xéneru, cuantimás de M. polyglottos, y ‘prieto’ pol so color más escuru qu'esta postrera.Mimus gundlachii .
Distribución Habita nos grandes cayos del Archipiélago Sabana-Camagüey del norte de Cuba, en Les Bahames y en Xamaica. Vive en carbes baxes, con pocos árboles, cercanos a la mariña, que presenten camperes y palmes.
Descripción Miden unos 28 cm de llargu. L'envés ye gris parduzu y les partes inferiores más blancucies. Nel envés, los llaterales y enriba nel pechu tien les plumes con rayes pardu escures. El gargüelu tien nos sos cantos dos rayes negres como bigotes. La cola tien puntes blanques. Los pies y el picu son coritos. Aliméntase d'inseutos y frutes pequeñes.
Nial Añeren d'abril a xunu n'arbustos altos. Ponen tres güevos de color blancu parduzu con manches.
Caltenimientu Ye una ave rara acutada a bien pequeñes árees que tán teniendo desenvolvimientu turísticu.
Bibliografía Garrido, O.H.; Kirkconnell, A. (2000). Birds of Cuba. Helm Field Guides, Londres. 253 pp.
Referencies
Enllaces esternos
gundlachii Categoría:Aves de Cuba Categoría:Aves de Xamaica Categoría:Aves de Les Bahames Categoría:Animales descritos en 1855