El ye una especie d'ave paseriforme de la familia Turdidae que se carauteriza pol plumaxe azuláu de los machos adultos.
Descripción Ye una ave d'unos 22 cm de llargor, daqué más grande que'l roqueru colloráu: Monticola saxatilis. El plumaxe ye pardu con llixos claros na fema, y el machu presenta un llamativu tonu azuláu, más escuru nes ales. El picu ye escuru.
Distribución y hábitat Distribúise pel sur d'Europa y el noroeste d'África, y dende Asia Central hasta'l norte de China y de Malasia. Habita en roquedos, cantiles y ribayos d'orixe fluvial, pudiendo ocupar dacuando construcciones humanes. Los sos desplazamientos llindase a cambeos altitudinales pel hibiernu.Guía de les Aves de Castiella y Llión, de Joaquín Sanz Zuasti, Tomás Velasco y Carlos Sánchez, Páx. 273. ISBN:84-933730-2-8
Comportamientu
Tien un cantar aflautau, que reproduz tanto paráu como en vuelu, más comúnmente na dómina de celu.Aves d'España, d'Eduardo de Juana y Juan M. Varela, Páx. 166, ISBN:84-87334-88-1 La so puesta ye de 3 a 5 güevos. Aliméntase d'una gran variedá d'inseutos, amás de bagues y otros vexetales.
Amenaces y caltenimientu Esta especie puede vese favorecida por dellos factores, como les quemes, les canteres y mines, qu'amenorguen la vexetación y aumenten la superficie de roca disponible pa construyir los sos niales. Sicasí, vese perxudicada por actividaes como la presión urbanística sobre les zones montascoses, la esguilada cerca de los sos niales, o la creación de banzaos, qu'anubren gargüelos y cañones predresos.Informe sobre'l roqueru solitariu del Ministeriu de Mediu Ambiente y Agricultura d'España
Referencies
Enllaces esternos
solitarius Categoría:Aves d'África Categoría:Aves d'Europa Categoría:Aves d'Asia Categoría:Especies descrites por Linnaeus Categoría:Animales descritos en 1758