Myiarchus crinitus, ye una especie d'ave paseriforme de la familia Tyrannidae. Ye un gran ave insectívoru y el miembru más estendíu del xéneru Myiarchus y alcuéntrase na mayor parte nel este y oeste en Norteamérica. Habita principalmente nes copes de los árboles y escasamente alcuéntrase-y nel suelu.
Descripción thumb L'ave adultu suel midir ente 17-21 cm de llongura con un valumbu d'alredor de 34 cm. De normal pesa ente 27-40 g. Nun amuesa dimorfismu sexual. Los adultos son de color marrón nel envés con partes inferiores marielles; tienen una cola llarga con una coloración ferruñosa y una cresta trupa. El so gargüelu y el pechu son de color buxu.
Distribución y hábitat El so área de distribución xeográfica inclúi Les Bahames, Belize, Canadá, Colombia, Costa Rica, Cuba, República Dominicana, Ecuador, El Salvador, Guatemala, Haití, Hondures, Méxicu, Nicaragua, Panamá, Perú, Puertu Ricu, Islles Turques y Caicos, Estaos Xuníos, Venezuela.
El so hábitat reproductivu ye en montes de fueyes caduques o montes mistos en tol llau oriental de Norteamérica. Estes aves migren escontra Méxicu, Centroamérica y Suramérica, tamién a Florida y Cuba.
Comportamientu Añeren nun cuévanu nun árbol. Xeneralmente, una piel de culiebra inclúise nel revestimientu del nial; delles vegaes ye reemplazáu por un envoltoriu plásticu.
Esguilen a una caña elevada y salen volando p'atrapar inseutos voladores, delles vegaes esnalen pa buscar alimentos de la vexetación. Aliméntase de frutes y bagues. El soníu d'estes aves ye un xiblíu "wiip".
Referencies
Enllaces esternos
Great Crested Flycatcher - Myiarchus crinitus - USGS Patuxent Bird Identification InfoCenter Great Crested Flycatcher Species Account - Cornell Lab of Ornithology Stamps Canada Great Crested Flycatcher videos on the Internet Bird Collection Great Crested Flycatcher photo gallery VIREO Great Crested Flycatcher , Talk about Wildlife Great Crested Flycatcher, Birds of Nova Scotia Great Crested Flycatcher Bird Sound
crinitus Categoría:Aves d'América del Norte Categoría:Aves del Neárticu Categoría:TBSpecies