'''Pitta versicolor, tamién conocida como pita gritona, ye una especie d'ave paseriforme de la familia Pittidae residente d'Australia, Indonesia y Papúa Nueva Guinea.
Descripción La especie ye un páxaru multicolor. Tien una cabeza y base del pescuezu negres con un pileu color castañu. Les ales son verdes con un cantu fronteru turquesa y el llombu tamién ye verde. El gargüelu, el pechu y el banduyu son mariellu llimón. La cola ye de color negru y les coberteres menores de la cola son coloráu anaranxáu.
Taxonomía Dellos autores consideren que Pitta versicolor ye conespecíficu con Pitta elegans o con Pitta iris, pero polo xeneral considérase que constitúi una superespecie con estos dos últimes y con Pitta anerythra. Esisten dos subespecies con una llinia de demarcación en Cairns. Pitta versicolor simillima alcuéntrase nel norte de Queensland y les islles del estrechu de Torres. Los miembros d'esta subespecie migren a la parte sur de Papúa Nueva Guinea. Pitta versicolor versicolo alcuéntrase nel restu de Queensland y escontra el sur hasta'l ríu Hunter, en Nueva Gales del Sur.
Distribución y hábitat thumb|izquierda|200px|Una incla» onde la pita zaragatera ruempe conches de cascoxos de tierra. La pita zaragatera alcuéntrase en hábitats forestales a lo llargo de la mariña este d'Australia. El so área de distribución estiéndese dende l'estremu norte de la península del Cabu York escontra'l sur hasta la frontera Nueva Gales del Sur/Victoria. Apaez principalmente na selva, pero tamién n'ocasiones alcuéntrase en montes secos y carbes. Fora d'Australia que pueden atopase nel sur de Nueva Guinea.
Comportamientu La especie ye una ave terrestre de monte nel que xurga na foyarasca buscando inseutos, cochinillas, cascoxos y otros invertebraos de los que s'alimenta. Ximielga la so cabeza de riba abaxo y chasquea la so cola de llau a llau mientres s'alimenta. La so dieta inclúi un pocu de fruta y abre les conches de moluscos como Hedleyella falconeri sobre una piedra o otra superficie dura que davezu utiliza pa esti propósitu.
Añera nun llugar ocultu nel suelu, onde guara cuatro güevos a principios de branu. Ye una ave cobarde y la so llamáu distintivu escúchase frecuentemnte cuando se ve a l'ave. Repite'l llamáu dos vegaes y, polo xeneral, consiste nuna secuencia de trés notes ascendentes, n'ocasiones similar a un «walk-to-work».
Estáu de caltenimientu La pita zaragatera tien una amplia distribución y créese que ye lo bastante común en hábitats apropiaos en Queensland. Ta catalogáu como de «esmolición menor» por BirdLife International na Llista Colorada d'Especies Amenaciaes. Ye posible que tea menguando llixeramente en númberu por causa de la destrucción del hábitat, pero probablemente non a un ritmu lo suficientemente alto como pa xustificar alzar el so estáu a «casi amenazada».
Referencies
Enllaces esternos
Ficha de la UICN .
Pitta versicolor Swainson, 1825 en Catalogue of Life . Ficha n'Animal Diversity Web . Ficha del Centru Nacional pa la Información Bioteunolóxica . Peterson, Alan P. «Pitta versicolor de los Pittidae» .
versicolor Categoría:Aves d'Oceanía Categoría:Animales descritos en 1825 Categoría:TBSpecies