Psarocolius angustifrons ye una especie d'ave paseriforme de la familia Icteridae que vive nel noroeste de Suramérica. Estiéndese pola Amazonia occidental y les selves de tierres altes del norte y centru de los Andes y la cordal de la mariña venezolana.
Descripción thumb|left|150px|Dos exemplares nun comederu en Venezuela. Mide ente 47 y 46 cm de llargor, siendo los machos llixeramente mayores. El so plumaxe ye principalmente pardu oliváceo, col llombu castañu y les ales corites, ente'l que destaquen les plumes de color mariellu intensu de los llaterales de la cola y el so frente. El so plumaxe tamién puede ser dafechu pardu olivaceu salvu les plumes marielles de la cola. El so picu ye llargu, rectu, estrechu y apuntiáu, y puede ser de color amarellentáu o negru. La subespecie nominal que vive en tierres baxes tien el picu negru, ente que les subespecies de tierra altes tienen el picu claru.
Taxonomía Reconócense siete subespecies: P. a. alfredi (Des Murs, 1856) P. a. angustifrons (Spix, 1824) P. a. atrocastaneus (Cabanis, 1873) P. a. neglectus (Chapman, 1914) P. a. oleagineus (P. L. Sclater, 1883) P. a. salmoni (P. L. Sclater, 1883) P. a. sincipitalis (Cabanis, 1873)
Referencies
Enllaces esternos
angustifrons Categoría:Aves d'América del Sur Categoría:Animales descritos en 1824