El Día Mundial d'Información sobre'l Desarrollu celébrase'l 24 d'ochobre.
Celebración
El 24 d'ochobre de 1945 empezó a rexir la Carta de les Naciones Xuníes -esto ye, les sos bases y oxetivos-, roblada por representantes de 50 países (na actualidá, son alredor de 200). El so aniversariu tamién foi escoyíu pa celebrar el Día Mundial d'Información sobre'l Desarrollu, pos la ONX considera que l'espardimientu ye fundamental pa empezar a solucionar los problemes que güei sufre'l mundu.
La Conferencia de Naciones Xuníes pal Comerciu y el Desarrollu (n'inglés, United Nations Conference on Trade and Development, UNCTAD), ye l'organismu permanente de l'Asamblea Xeneral de la Organización de les Naciones Xuníes, fundáu n'avientu de 1964.
El 19 d'avientu de 1972 l'Asamblea Xeneral de les Naciones Xuníes na Resolución 3038 (XXVII) "decide instituyir un Día Mundial d'Información sobre'l Desarrollu, que'l so oxetivu va consistir en señalar cada añu a l'atención de la opinión pública mundial los problemes del desenvolvimientu y la necesidá d'intensificar la cooperación internacional pa resolvelos; Decide amás que la fecha d'esa xornada coincida, en principiu, col Día de les Naciones Xuníes, 24 d'ochobre, que ye tamién la fecha en que s'aprobó en 1970 la Estratexa Internacional del Desarrollu pal Segundu Deceniu de les Naciones Xuníes pal Desarrollu". Organización de les Naciones Xuníes
Referencies
Ver tamién
Conseyu Económicu y Social de les Naciones Xuníes Desarrollu Oxetivos de Desarrollu del Mileniu
Enllaces esternos
Sitiu Oficial del Día Mundial d'Información sobre'l Desarrollu Desarrollu División de Desarrollu Sostenible Conseyu Económicu y Social de les Naciones Xuníes (ECOSOC) Oxetivos de desenvolvimientu del Mileniu Departamentu d'Asuntos Económicos y Sociales Cuenta de les Naciones Xuníes pal Desarrollu n'inglés Crónica ONX: Alianza pal desenvolvimientu n'inglés
Categoría:Desarrollu Categoría:Día Internacional