10 Canum Venaticorum (10 CVn)NLTT 31760 - High proper-motion Star (SIMBAD) ye una estrella na constelación de Canes Venatici, los perros de caza. Alcuéntrase ente Cor Caroli (α Canum Venaticorum) y Asterion (β Canum Venaticorum), les dos estrelles más brilloses de la constelación. De magnitú aparente +6,00, alcuéntrase a 57 años lluz del Sistema Solar.
10 Canum Venaticorum ye una nana mariella de tipu espectral G0V con una temperatura efectivo ente 5830 y 5840 K. Anque en primer instancia puede paecer cuasi idéntica al Sol o a Asterion —esta postrera na mesma constelación—, presenta una metalicidá bien baxa, siendo la so bayura relativa de fierro igual al 30% de la solar. Repárase la mesma tendencia n'otros elementos como cobaltu, sodiu, níquel, cobre y manganesu, siendo la bayura d'esti últimu metal [Mn/H] = -0,65. Piénsase que ye una antigua estrella del discu gruesu que la so órbita alredor del centru de la galaxa llévala a alloñase hasta 2000 pársecs respectu al planu galácticu —sirva como referencia Asterion, que nun s'alloña más de 90 pársecs del planu de la Vía Lláctea—.
D'igual tamañu que'l Sol, 10 Canum Venaticorum xira sobre sigo mesma con una velocidá de rotación de siquier 3 km/s. Relluma con una lluminosidá un 15% mayor que la lluminosidá solar y tien una masa envalorada equivalente al 87% de la masa solar. La so edá envalórase en 8320 millones d'años. Un escesu en radiación infrarroxo emitida a 70 μm suxer la presencia d'un discu de polvu al so alredor.
Referencies
Categoría:Estrelles Categoría:Nanes marielles Categoría:Constelación de Canes Venatici