111 Tauri (111 Tau / HD 35296 / HR 1780 / Gliese 202) ye una estrella na constelación de Tauru de magnitú aparente +5,00V1119 Tau -- Variable of BY Dra type (SIMBAD) que s'atopa a 47,8 años lluz del Sistema Solar. Forma parte del grupu de les Híades acomuñáu col cúmulu del mesmu nome. Comparte movimientu propiu con HD 35171, visualmente a 707 segundos d'arcu.
111 Tauri ye una nana mariella de tipu espectral F8V con una temperatura efectivo de 6165 K. Tien un radiu un 30% más grande que'l radiu solar y ye un 17% más masiva que'l Sol. Consecuentemente, la so lluminosidá ye 1,86 vegaes mayor que la lluminosidá solar. La so velocidá de rotación ye de siquier 15,9 km/s, lo qu'implica un periodu de rotación igual o inferior a 4,09 díes. Tien una bayura relativa de fierro llixeramente cimeru a la del Sol, magar el so conteníu de litiu ye desusadamente eleváu.
La edá de 111 Tauri ye motivu de discutiniu; dependiendo de la fonte consultada, la so edá averada pue ser de 3760, 1700 o namái 300 millones d'años.
111 Tauri, poles sos carauterístiques y proximidá, alcuéntrase ente los oxetivos prioritarios del proyeutu Terrestrial Planet Finder pa la busca de planetes terrestres.TPF-C's Top Target Stars
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Tauru