15 Aquilae (15 Aql / h Aquilae)h Aql -- Star in double system (SIMBAD) ye una estrella na constelación del Águila de magnitú aparente +5,41. Nun tien nome propiu habitual pero, na astronomía china, xunto a λ Aquilae, 14 Aquilae y otres estrelles de la constelación de Scutum, yeren Tseen Peen, «el Cascu Celestial». D'alcuerdu al nuevu amenorgamientu de los datos de paralax del satélite Hipparcos, alcuéntrase a 289 años lluz del Sistema Solar.15 Aql (Hipparcos Catalogue. The New Reduction)
15 Aquilae ye una xigante naranxa de tipu espectral K1III con una temperatura efectivo ente 4560 y 4571 K. Esti tipu d'estrelles ye bien frecuente nel cielu nocherniegu: Tarazed (γ Aquilae), ε Aquilae o 12 Aquilae son exemplos de xigantes naranxes nesta mesma constelación. El radiu de 15 Aquilae ye 14 vegaes más grande que'l del Sol y xira sobre sigo mesma con una velocidá de rotación proyeutada —llende inferior de la mesma— de 25 km/s. Relluma con una lluminosidá 83 vegaes mayor que la lluminosidá solar. Presenta una metalicidá —bayura relativa d'elementos más pesaos que l'heliu— inferior a la del Sol nun 44% ([Fe/H] = -0,25). Como'l Sol, ye una estrella del discu finu y tien una edá averada de 4090 ± 2070 millones d'años.
15 Aquilae forma una doble óptica con HD 177442, siendo la separación visual ente elles de 38,5 segundos d'arcu. Nun esiste rellación física ente dambes estrelles,15 Aquilae (The Bright Star Catalogue) yá que HD 177442 alcuéntrase a 553 años lluz de nós, muncho más alloñada que 15 Aquilae.
Referencies
Categoría:Estrelles Categoría:Xigantes naranxes Categoría:Constelación d'Aquila