19 Arietis (19 Ari / HD 13596 / HR 648 / HIP 10328)19 Arietis (SIMBAD) ye una estrella de magnitú aparente +5,73 asitiada na constelación d'Aries. D'alcuerdu a la paralax midida pol satélite Hipparcos (6,81 ± 0,38 milisegundos d'arcu) alcuéntrase a 479 años lluz del Sistema Solar.
19 Arietis ye una xigante colorada de tipu espectral M0III con una temperatura efectivo de 3865 K. Tien una metalicidá bien paecida a la del Sol. Anque ye una xigante asemeyada a Mirach (β Andromedae) o Gianfar (λ Draconis), ye más pequeña y menos lluminosa qu'éstes. El so radiu, calculáu a partir de la midida del so diámetru angular —2,44 milisegundos d'arcu—, ye unes 50 vegaes mayor que'l radiu solar. Anser (α Vulpeculae) tien un tamañu y lluminosidá asemeyaes.
Reparóse una variación nel rellumu de 19 Arietis de 0,14 magnitúes, siendo considerada una variable semirregular. Paez esistir un periodu principal de 32 díes y unu secundariu de 275 díes.
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación d'Aries