20 Leonis Minoris (20 LMi / HD 86728 / HR 3951)20 Leonis Minoris (SIMBAD) ye una estrella binaria na constelación de Leo Minor asitiada na llende con Leo. De magnitú aparente +5,40, alcuéntrase a 48,6 años lluz de distancia del Sistema Solar.
La estrella principal del sistema, 20 Leonis Minoris A (Gliese 376 A / GJ 376 A), ye una nana mariella de tipu espectral G3Va. Tien una temperatura efectivo de 5740 K y el so radiu ye un 20% más grande que'l radiu solar. Ye un 50% más lluminosa que'l Sol y tien una masa envalorada llixeramente mayor que la masa solar. Amuesa una bayura relativa de fierro más elevada que nel Sol ([Fe/H] = +0,20). La so velocidá de rotación de 3 km/s20 Leonis Minoris (The Bright Star Catalogue) ye daqué mayor que la del Sol y puede tener una edá averada de 6900 millones d'años. Les sos carauterístiques físiques, similares a les de la nuesa estrella, faen d'ella una análoga solar.
La estrella acompañante, 20 Leonis Minoris B (Gliese 376 B / GJ 376 B), ye una tenue nana colorada de tipu M6.5. Visualmente a daqué más de 2 minutos d'arcu, el movimientu propiu común de dambes estrelles indica que tán acomuñaes. Ye una nana colorada activa, anque se piensa que nun ye una estrella acandilante. Demasiao brillante pal so tipu espectral, l'aparente discrepancia puede esplicase si 20 Leonis Minoris B fuera una binaria con dambes componentes cuasi iguales, lo qu'esplicaría tamién l'altu nivel d'actividá.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Nanes coloraes Categoría:Estrelles binaries Categoría:Constelación de Leo Minor