24 Sextantis (24 Sex / HD 90043 / HIP 50887)24 Sextantis (SIMBAD) ye una estrella asitiada na constelación de Sextans. La so magnitú aparente ye +6,44 y alcuéntrase a 244 años lluz del Sistema Solar. En 2010 anuncióse'l descubrimientu de dos planetes estrasolares orbitando alredor d'esta estrella.
24 Sextantis ye una subxigante de tipu espectral K124 Sextantis (Stars, Jim Kaler) que la so temperatura superficial ye de 5098 ± 44 K. Con una masa un 54% mayor que la masa solar, ye una estrella más evolucionada que'l Sol qu'empezó a espandise y a esfrecese, siendo'l so radiu 4,9 vegaes más grande que'l radiu solar. Xira sobre sigo mesma con una velocidá de rotación proyeutada de 2,77 km/s. Ye 14,6 vegaes más lluminosa que'l Sol y tien una metalicidá, datu estrechamente rellacionáu cola presencia de sistemes planetarios, comparable a la solar ([Fe/H] = -0,03). La so edá envalórase en 2700 ± 400 millones d'años.
Sistema planetariu
En 2010 afayáronse dos planetes estrasolares, llamaos 24 Sextantis b y 24 Sextantis c, orbitando alredor de 24 Sxetantis. El primeru d'ellos, con una masa mínimo 1,99 vegaes mayor que la masa de Xúpiter, orbita a una distancia media de 1,33 UA al respective de la estrella. El segundu planeta ye menos masivu —con una masa mínimo equivalente al 86% de la de Xúpiter— y muévese nuna órbita a 2,08 UA de la estrella.24 Sextantis (The Estrasolar Planets Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Subxigantes Categoría:Sistemes planetarios Categoría:Planetes estrasolares Categoría:Constelación de Sextans