27 Hydrae (27 Hya)27 Hya -- Star in double system (SIMBAD) ye una estrella múltiple na constelación d'Hidra de magnitú aparente +4,82. Alcuéntrase a 222 años lluz del Sistema Solar.
27 Hydrae A La principal componente del sistema, 27 Hydrae A, ye una xigante mariella de tipu espectral G8III-IV. Tien una temperatura efectivo ente 4920 y 5080 K y ye 62 vegaes más lluminosa que'l Sol. El so radiu puede ser 11 vegaes más grande que'l radiu solar, anque otra fonte asígna-y un menor tamañu, alredor de 8 radios solares. Xira sobre sigo mesma con una velocidá de rotación proyeutada de 4,8 km/s, polo que'l so periodu de rotación puede averase a los 80 díes. Amuesa un conteníu metálico daqué inferior a la solar, siendo'l so índiz de metalicidá [Fe/H] igual a -0,07. Ye una estrella del discu finu con una edá envalorada de 740 millones d'años. Anque nun hai consensu tocantes a la so masa, ésta taría nel rangu de 2,3 - 3,7 mases solares.
Variaciones na velocidá radial de 27 Hydrae A suxeren la presencia d'un acompañante invisible. El periodu orbital d'esti acompañante puede ser de 3400 díes, tando separáu 5,9 UA al respective de la xigante. Asumiendo una masa de 2,3 mases solares pa esta postrera, la masa mínimo del oxetu sería 10 vegaes mayor que la masa de Xúpiter. Por ello, pue ser un planeta, una nana marrón o una estrella de baxa masa.
27 Hydrae BC Alredor de 27 Hydrae A y el so posible acompañante orbita una binaria formada por una estrella de tipu F4V (27 Hydrae B / HD 80550)HD 80550 -- Star in double system (SIMBAD) y una nana naranxa de tipu K2V (27 Hydrae C / BD-09 2801C).BD-09 2801C -- Star in double system (SIMBAD) La primera tien una temperatura de 6653 K, una masa un 38% mayor que la del Sol, y rota con una velocidá de siquier 60 km/s. De la segunda namái se sabe que ye un 26% menos masiva que'l Sol.
El periodu orbital del par BC ye d'unos 12.500 años y, de la mesma, empleguen alredor de un millón d'años en completar una vuelta alredor de 27 Hydrae A.
Referencies
Categoría:Estrelles Categoría:Constelación d'Hidra