3 Persei (3 Per)3 Per -- Star (SIMBAD) ye una estrella na constelación de Perséu de magnitú aparente +5,71. Alcuéntrase a 245 años lluz del Sistema Solar.
3 Persei ye una subxigante naranxa de tipu espectral K0IV. Les subxigantes son estrelles que terminaron la fusión nuclear del hidróxenu nos sos nucleos, siendo más brillosos que les nanes de la secuencia principal pero menos que les xigantes puramente diches. Errai A (γ Cephei), ε Reticuli η Serpentis son subxigantes non bien distintes de 3 Persei.
3 Persei tien una temperatura efectivo ente 4786 y 4845 K y ye 31 vegaes más lluminosa que'l Sol. El so radiu ye 8 vegaes más grande que'l radiu solar y xira sobre sigo mesma con una velocidá de rotación proyeutada de 1,0 km/s. Nun esiste consensu tocantes a la so masa, envalorándose ésta ente 1 y 2,2 mases solares, y tien una edá ente 870 y 4550 millones d'años. Como la mayor parte de les estrelles de la nuesa redolada, ye una estrella del discu finu.
3 Persei presenta una metalicidá —bayura relativa d'elementos más pesaos que l'heliu— inferior a la del Sol ([Fe/H] = -0,16). Ciertos elementos como calciu, siliciu y europiu presenten niveles asemeyaos a les solares, pero otros, como itriu y ceriu, son marcadamente deficitarios ([Ce/Fe] = -0,14).
Referencies
Categoría:Estrelles Categoría:Subxigantes Categoría:Constelación de Perséu