39 Tauri (39 Tau) ye una estrella na constelación de Tauru de magnitú aparente +5,9039 Tau (SIMBAD) que s'atopa a 55 años lluz del Sistema Solar. L'analís de la so historia cinemática suxer que nun pertenez a nengún de los once grupos o corrientes estelares conocíos.
39 Tauri ye una nana mariella de tipu espectral G5V —asemeyáu por casu a 61 Virginis— con una temperatura efectivo de 5895 K. La so lluminosidá ye aproximadamente igual a la solar y tien un radiu apenes un 1% más grande que'l del Sol. Xira sobre sigo mesma con una velocidá de rotación proyeutada de 7,0 km/s, siendo el so periodu de rotación de 9,1 díes. Ye un 7% más masiva que'l Sol y la so edá cífrase ente los 2800 y los 3700 millones d'años.
39 Tauri exhibe una metalicidá llixeramente cimera a la del Sol ([Fe/H] = 0,05). Polo xeneral, tolos elementos evaluaos amuesen valores comparables a les solares. Namái cobre y samariu son relativamente deficitarios en comparanza al Sol, siendo la bayura d'esti últimu metal la metá que na nuesa estrella ([Sm/H] = -0,30). Coles mesmes, el so conteníu de litiu ye más eleváu que la solar, anque hai que considerar que'l Sol paez tar emprobecíu nesti elementu en rellación con otres estrelles análogues de la nuesa redolada.
Referencies
Categoría:Estrelles Categoría:Nanes marielles Categoría:Constelación de Tauru