43 Cassiopeiae (43 Cas)V557 Cas -- Variable Star of alpha2 CVn type (SIMBAD) ye una estrella na constelación de Cassiopeia de magnitú aparente +5,56. Alcuéntrase aproximadamente a 387 años lluz de distancia del Sistema Solar.
Carauterístiques 43 Cassiopeiae ye una estrella blanca de la secuencia principal de tipu espectral A0sp, catalogada más específicamente como A0VpSiSrEuHgMn.43 Cassiopeiae. Extended Hipparcos Compilation (XHIP) (Anderson+, 2012) Tien una temperatura efectivo de 11.900 K —demasiáu alta pa la so clase, más apropiada pa una estrella B8— y una lluminosidá 120 vegaes mayor que la lluminosidá del Sol. Con un radiu 2,6 vegaes más grande que'l radiu solar, xira sobre sigo mesma con una velocidá de rotación proyeutada de 25 km/s. L'enclín del so exa de rotación al respective de la llinia de visión —37º— da como resultáu una velocidá de rotación real de 42 km/s, polo que completa una vuelta sobre sigo mesma cada 3,16 díes. La so masa, calculada a partir de la teoría d'estructura y evolución estelar, ye tres veces mayor que la masa solar. Tien una edá averada de 400 millones d'años.43 Cassiopeiae (Stars, Jim Kaler)
Variabilidá 43 Cassiopeiae ye una variable Alfa2 Canum Venaticorum que'l so rellumu fluctúa 0,09 magnitúes.V557 Cassiopeiae (General Catalogue of Variable Stars) Tien un campu magnéticu que ye dellos cientos de vegaes más fuerte que'l campu magnéticu terrestre. El so campu magnéticu da llugar a manches estelares de composición peculiar, alliniaes conforme a dichu campu pero inclinaes respectu a la exa de rotación estelar. Les variaciones son provocaes pola entrada y salida de les manches del campu de visión, siendo'l periodu de variación igual al periodu de rotación.
Referencies
Categoría:Estrelles Categoría:Estrelles blanques de la secuencia principal Categoría:Estrelles variables Categoría:Variables Alfa2 Canum Venaticorum Categoría:Constelación de Cassiopeia