59 Draconis (59 Dra)59 Dra -- Variable Star (SIMBAD) ye una estrella de magnitú aparente +5,12 na constelación del Dragón. Asitiada a 89 años lluz del Sistema Solar, dende 2006 conozse la esistencia d'una nana marrón n'órbita alredor d'esta estrella.
59 Draconis ye una estrella blanca de la secuencia principal de tipu espectral A7V, enantes catalogada como A9V. Tien una temperatura superficial de 7250 K y la so lluminosidá, calculada a partir del so fluxu bolométrico, ye 5,2 vegaes superior a la del Sol. La midida del so diámetru angular —0,449 ± 0,012 milisegundos d'arcu— dexa envalorar el so diámetru real, siendo ésti un 32% más grande que'l del Sol. Xira sobre sigo mesma con una velocidá de rotación igual o mayor de 56,1 km/s. La so masa ye aproximadamente un 70% mayor que la masa solar. La bayura relativa de fierro de 59 Draconis ye similar a la del Sol ([Fe/H] = +0,00) pero los niveles de ciertos elementos como neodimiu, vanadiu o samariu son significativamente más altos. Esti últimu metal ye 3 vegaes más abondosa que nel Sol.
59 Draconis ye una variable pulsante del tipu Gamma Doradus qu'esperimenta una variación de rellumu de 0,11 magnitúes. Fueron detectaos dos periodos, unu de 18,1 hores y otru de 6,6 hores.
Nana marrón La nana marrón afayada alredor de 59 Draconis tien una masa mínimo 25 vegaes mayor que la masa de Xúpiter, pero la so masa real pue ser significativamente mayor. El so periodu orbital ye de 28,44 díes y la so separación al respective de la estrella ye de 0,22 UA.
Esta compañera subestelar asítiase dientro del llamáu «desiertu de nanes marrones», conxuntu d'órbites teóriques alredor d'una estrella onde nun tendríen d'esistir nanes marrones como oxetos acompañantes.
Referencies
Categoría:Estrelles Categoría:Estrelles blanques de la secuencia principal Categoría:Nanes marrones Categoría:Variables Gamma Doradus Categoría:Constelación de Draco