83 Virginis (83 Vir / HD 119605 / HR 5165) ye una estrella na constelación de Virgu de magnitú aparente +4,16.83 Virginis (SIMBAD)83 Virginis (The Bright Star Catalogue) Alcuéntrase aproximao a 825 años lluz del Sistema Solar.
83 Virginis ye una superxigante o xigante lluminosa mariella de tipu espectral G0Ib-IIb, magar na base de datos SIMBAD apaez catalogada como subxigante o estrella de la secuencia principal (G1IV/V). Tien una temperatura efectivo de 5430 ± 100 K y relluma con una lluminosidá 437 vegaes mayor que la del Sol, cifra que sofita'l so estatus de superxigante o xigante lluminosa. La so metalicidá —bayura relativa d'elementos más pesaos que'l heliu— ye la metá de la del Sol ([Fe/H] = -0,31). Con una masa de 4,2 ± 0,2 mases solares, la so edá envalórase en 155 millones d'años.
83 Virginis tien un diámetru 29 vegaes más grande que'l diámetru solar.83 Virginis (Catalogue of Stellar Diameters, CADARS) (Pasinetti-Fracassini+ 2001) Nun ye una estrella variable y nella nun se detectó campu magnéticu, a diferencia d'otres superxigantes marielles como Alwaid (β Draconis) o Azmidiske (ξ Puppis) onde sí se detectó.
Referencies
Categoría:Estrelles Categoría:Superxigantes marielles Categoría:Constelación de Virgu