94 Ceti (94 Cet)94 Ceti (SIMBAD) ye una estrella binaria asitiada na constelación de Cetus. Asitiada a una distancia de 73 años lluz del Sistema Solar, relluma con magnitú aparente +5,06.
Estrella primaria La estrella primaria del sistema ye 94 Ceti A, nana mariella de tipu espectral F8V con una temperatura superficial de 6190 ± 45 K. Tien una masa de 1,33 mases solares y ye 3,68 vegaes más lluminosa que'l Sol. El so radiu ye un 90% más grande que'l radiu solar y xira sobre sigo mesma con una velocidá de rotación proyeutada de 8 km/s. Anque nun principiu pensóse que 94 Ceti A podía ser una binaria espectroscópica, en 2000 afayóse la esistencia d'un planeta xigante alredor de esta estrella.
94 Cet A tien una metalicidá —basada na so bayura relativa de fierro— un 61% mayor que la solar ([Fe/H] = +0,207). Los niveles d'otros elementos evaluaos son igualmente elevaos, destacando'l nivel de cobre, tres veces más altu que nel Sol.
Estrella secundaria 94 Ceti B, una nana colorada de tipu M3V, ye la otra componente del sistema. Muncho más tenue que la so compañera, la so lluminosidá equival a pocu más del 1% de la lluminosidá solar.
La separación media ente les dos estrelles del sistema ye de 151 UA. Empleguen unos 1420 años en completar una vuelta a lo llargo de la so órbita, que la so escentricidá ye ε = 0,26.
Sistema planetariu
La zona de habitabilidad alredor de 94 Ceti A asítiase a 2,11 UA de la estrella. El planeta estrasolar descubiertu, denomináu HD 19994 b o 94 Ceti b, orbita a 1,42 UA de la estrella y la so masa ye siquier un 68% mayor que la masa de Xúpiter. Paez improbable la esistencia d'un planeta terrestre na zona de habitabilidad pola presencia del planeta xigante, que la so órbita ye claramente escéntrica.HD 19994 (The Estrasolar Planets Encyclopaedia)
Referencies
Categoría:Estrelles Categoría:Nanes marielles Categoría:Nanes coloraes Categoría:Estrelles binaries Categoría:Planetes estrasolares Categoría:Constelación de Cetus Categoría:Sistemes planetarios