AC Leporis (AC Lep / HD 40745 / HR 2118)V* AC Lep -- Variable Star of gamma Dor type (SIMBAD) ye una estrella variable na constelación de la Llebre de magnitú aparente media +6,21. Alcuéntrase a 205 años lluz de distancia del Sistema Solar.
AC Leporis ye una subxigante de tipu F2IV con una temperatura efectivo de 6840 ± 180 K. Tien una lluminosidá 9,1 vegaes mayor que la lluminosidá solar y el so radiu ye de 2,1 radios solares. Xira sobre sigo mesma con una velocidá de rotación de siquier 42 km/s; el verdaderu valor puede ser más altu dependiendo del enclín de la so exa al respective de la nuesa llinia de visión. Amuesa una metalicidá igual a la solar ([Fe/H] = -0,00 ± 0,09). Elementos como escandiu, titaniu, cromu y fierro son igual d'abondosos que nel Sol pero'l manganesu ye deficitariu al respective de la nuesa estrella. La so masa averada ye un 65% mayor que la del Sol y la so edá envalórase en 1400 millones d'años.
AC Leporis ye una variable Gamma Doradus con un periodu de 0,82427 díes. Estes variables nun son bien conocíes y piénsase que la so variabilidá provién de pulsaciones non radiales de la so superficie. Amás de γ Doradus, prototipu del grupu, cabo citar d'ente elles a QW Puppis y V398 Aurigae.
Referencies
Categoría:Estrelles Categoría:Subxigantes Categoría:Estrelles variables Categoría:Variables Gamma Doradus Categoría:Constelación de Lepus