Alsciaukat (31 Lyncis / 31 Lyn / HD 70272 / HR 3275)31 Lyncis (SIMBAD) ye la cuarta estrella más brillosa de la constelación del Llobu cerval. Con magnitú aparente +4,25, ye superada en rellumu por α Lyncis, 38 Lyncis y 10 Ursae Majoris. El so nome, proveniente del árabe الشوكة (aš-šawkat), significa «l'escayu».
Asitiada a 389 años lluz del Sistema Solar, Alsciaukat ye una xigante naranxa de tipu espectral K4.5III. Les sos carauterístiques son asemeyaes a les de α Lyncis, magar la distinta distancia que nos dixebra de dambes pon a les clares que nun tán rellacionaes ente sigo. Ye 700 vegaes más lluminosa que'l Sol, tenida en cuenta la radiación qu'emite nel infrarroxu, yá que ye una estrella fría de 3930 K de temperatura. Temperatura y lluminosidá dexen calcular el so radiu, 59 vegaes más grande que'l radiu solar, ente que'l radiu calculáu a partir de la midida del so diámetru angular ye significativamente mayor, de 75 radios solares.
Alsciaukat tien una masa aproximao'l doble que la del Sol. Con una edá envalorada de 1400 millones d'años, hai unos 300 millones d'años remató nel so interior la fusión nuclear d'hidróxenu. Ye una estrella variable semirregular que recibe'l nome de variable BN Lyncis y qu'amuesa una pequeña variación nel so rellumu de 0,05 magnitúes. Dicha variabilidá suxer qu'Alsciaukat ye una xigante aumentando en rellumu per segunda vegada con un nucleu inerte de carbonu que llueu se tresformará nuna variable Mira.Alpha and 31 Lyn (Stars, Jim Kaler)
Ver tamién Llista d'estrelles variables
Referencies
Categoría:Estrelles Categoría:Xigantes naranxes Categoría:Estrelles variables Categoría:Variables semirregulares Categoría:Constelación de Llobu cerval