AO Cassiopeiae (AO Cas / HD 1337 / HR 65 / HIP 1415)AO Cassiopeiae (SIMBAD) ye una estrella binaria eclipsante na constelación de Cassiopeia de magnitú aparente +6,10. Conocida tamién como Estrella de Pearce, alcuéntrase a unos 7000 años lluz de distancia del Sistema Solar.
AO Cassiopeiae ye un sistema estelar doble, notable en dellos aspeutos. De primeres, ye unu de los sistemes más masivos y lluminosos que se conocen. Los dos componentes son estrelles masives del pocu frecuente tipu espectral O, azules y bien calientes. La mayor d'elles tien una masa 32 vegaes mayor que la masa solar, un radiu 23 vegaes más grande que'l radiu solar y una lluminosidá averada de 300.000 soles. La segunda componente, daqué más pequeña, tien una masa de 30 mases solares y un radiu 15 vegaes más grande que'l del Sol.AO Cassiopeiae. Jumk.de/astronomie (n'inglés)
De segundes, les dos estrelles tán bien próximes ente sigo, completando una órbita alredor del centru de mases común en namái 3,5 díes. La distancia ye tan pequeña que tán bien aburuyaes y les sos superficies práuticamente tóquense, esistiendo intercambiu de materia ente dambes. La so separación ye del orde de 2,5 - 3 vegaes el radiu de la estrella mayor.AO Cassiopeiae. The internet Encyclopedia of Science (n'inglés)
Cuando una de les estrelles empiece a espandise escontra una superxigante colorada, la otra estrella va encloyar la so capa esterior.
Referencies
Categoría:Estrelles Categoría:Xigantes azules Categoría:Estrelles binaries Categoría:Estrelles variables Categoría:Constelación de Cassiopeia