BE Capricorni (BE Cap / HD 191639 / HR 7709)HR 7709 - Be Star (SIMBAD)BE Capricorni (The Bright Star Catalogue) ye una estrella de magnitú aparente +6,45 encuadrada dientro de la constelación de Capricorniu. Ye una estrella distante que, col nuevu amenorgamientu de los datos de paralax del satélite Hipparcos, taría a unos 2330 años lluz del Sistema Solar, anque l'error na midida algama'l 30%.
BE Capricorni ye una estrella blancu-azulada de la secuencia principal de tipu espectral B1V. Con una temperatura efectivo d'aproximao 25.400 K —otros estudios señalen valores dende 20.400 a 29.000 K—, ye una estrella realmente lluminosa, unes 15.200 vegaes más que nuesu Sol. El so radiu ye 6,6 vegaes más grande que'l radiu solarHD 191639 (Catalogue of Stellar Diameters, CADARS) (Pasinetti-Fracassini+ 2001) y xira sobre sigo mesma con una velocidá de rotación proyeutada —llende inferior de la mesma— de 152 ± 15 km/s. Amuesa una metalicidá notablemente inferior a la del Sol ([Fe/H] = -0,39). Tien una masa cuasi 12 vegaes mayor que la masa solar, lo que la asitia percima de la llende a partir del cual les estrelles acaben la so vida violentamente, españando en forma de supernoves.
BE Capricorni ye una estrella Be asemeyada a η Centauri o Seat (π Aquarii). El so rellumu ye variable, siendo la so amplitú de variación de 0,077 magnitúes.
Referencies
Categoría:Estrelles Categoría:Estrelles variables Categoría:Constelación de Capricorniu