Beta Comae Berenices (β Com / 43 Com / HD 114710) ye la estrella más brillosa de la constelación de Melota de Berenice, con magnitú aparente +4,23. Relativamente próxima al Sistema Solar, alcuéntrase a namái 29,9 años lluz de distancia. La estrella conocida más cercana a ella ye GJ 3801, distante 4,5 años lluz.
Beta Comae Berenices ye una nana mariella non bien distinta del Sol que'l so tipu espectral ye G0V.Beta Comae Berenices (SIMBAD) Con una temperatura efectivo de 6000 K, ye unos 280 K más caliente que'l Sol, siendo un 37% más lluminosa qu'ésti. El so parámetros de masa y diámetru son un 10% mayores que los del Sol. La so metalicidá —midida pol conteníu de fierro en rellación al d'hidróxenu— paez ser mayor que la solar, alredor de un 7%. Con una velocidá de rotación doble que la del Sol, presenta tamién actividá magnética, incluyendo erupciones y manches estelares, nun ciclu de 16,6 años y un posible ciclu secundariu de 9,6 años. Anque más nuevu que'l Sol, nun hai alcuerdu sobre la so edá, que según la fonte consultada pue ser de 1700, 4100 o 4400 millones d'años.
Beta Comae Berenices puede tener una compañera estelar próxima, detectada namái por espectroscopia, que nun foi confirmada.Beta Comae Berenices (The Bright Star Catalogue) Estudios llevaos a cabu per aciu la téunica de velocidá radial nun detectaron planetes al so alredor.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Coma Berenices