BH Virginis (BH Vir / HD 121909 / HIP 68258) ye un sistema estelar de magnitú aparente +9,68V* BH Vir -- Variable of RS CVn type (SIMBAD) asitiáu na constelación de Virgu. Alcuéntrase a 505 años lluz de distancia del Sistema Solar.
Carauterístiques del sistema BH Virginis ye una binaria espectroscópica compuesta por dos nanes marielles. La componente principal tien tipu espectral F8V y la so lluminosidá ye casi'l doble de la lluminosidá solar. Tien una temperatura efectivo de 6100 K y la so masa ye un 17% mayor que la masa solar. El so radiu ye un 25% más grande que'l radiu solar y xira sobre sigo mesma con una velocidá de rotación de siquier 79,7 km/s.
La componente secundaria, de tipu G5V, ye llixeramente más lluminosa que'l Sol y tien una temperatura efectivo de 5500 K. La so masa ye un 5% mayor que la del Sol y el so radiu un 14% más grande que'l d'ésti; la so velocidá de rotación ye igual o superior a 68,3 km/s.
La edá d'esti sistema envalórase en cuasi 8000 millones d'años.
Variabilidá BH Virginis constitúi una binaria eclipsante que'l so periodu orbital ye de 0,8169 díes. Nel eclís principal el so rellumu mengua 0,96 magnitúes ente que nel secundariu'l descensu de rellumu ye de 0,64 magnitúes. El par ye amás una variable RS Canum Venaticorum.BH Vir (General Catalogue of Variable Stars)
Reparóse que'l periodu orbital sufre una variación cíclica que contién trés componentes con distintos periodos: unu de 9,2 años, otru de 11,8 años y un tercer periodu de 50,7 años. Esti tipu de variación foi tamién reparáu n'otres variables RS Canum Venaticorum como AR Lacertae, XY Ursae Majoris y RS Canum Venaticorum. Dichos cambeos nel periodu orbital tán aniciaos por dos mecanismos distintos. La variación al llargu plazu puede tar causada pola presencia d'un tercer cuerpu. Les otres dos variaciones de curtia duración paecen tener el so orixe na actividá magnética de los dos componentes; ello ye que dambes componentes amuesen actividá asemeyada a la solar, siendo ésta mayor nel casu de la estrella secundaria.
Dambes estrelles presenten manches na so superficie, que concéntrense siempre cerca del ecuador y en llatitúes intermedies; la superficie con manches puede llegar a algamar el 29% de la superficie total. Les diferencies de temperatura ente les manches estelares y la fotosfera inactiva ye de 2300 K. Coles mesmes, les manches estelares concéntrense en dos llonxitúes actives, dixebraes ente sigo aproximao pola metá del periodu orbital (0° y 184°); talos llargores activos permanecieron invariables mientres más de 40 años.
Referencies
Categoría:Estrelles Categoría:Nanes marielles Categoría:Estrelles binaries Categoría:Estrelles variables Categoría:Variables RS Canum Venaticorum Categoría:Constelación de Virgu