Botein (δ Arietis / δ Ari / 57 Arietis / HD 19787) ye una estrella na constelación d'Aries. Procedente del árabe Al-Butain, el so nome significa «el pequeñu banduyu», yá que nes antigües representaciones de la constelación, la estrella taba emplazada nesa parte del animal; en mapes modernos, sicasí, asítiase cerca de la cola.Botein (The Fixed Stars)
Asitiada a 168 años lluz del Sistema Solar, Botein ye una xigante naranxa de tipu espectral K2IIIDelta Arietis (SIMBAD) bien asemeyáu a Hamal (α Arietis), la estrella más brillosa d'Aries. Tien una temperatura efeutiva de 4832 K y un diámetru 13 vegaes más grande que'l del Sol, cifra calculada a partir de la midida direuta del so diámetru angular —1,87 milisegundos d'arcu—. De magnitú aparente +4,35, la so lluminosidá ye 69 vegaes mayor que la lluminosidá solar.
Botein ye más rica en metales que'l Sol, siendo la so bayura relativa de fierro un 38% mayor que na nuesa estrella. En rellación al conteníu d'esti elementu, el nivel de lantanu ye bien baxu en comparanza col valor solar. Al igual qu'otres estrelles xigantes, Botein rota amodo, con una velocidá de rotación proyeutada de 2,15 km/s. Tien una masa envalorada de 2,7 mases solares y una edá de daqué más de 1000 millones d'años.
Referencies
Categoría:Estrelles Categoría:Xigantes naranxes Categoría:Constelación d'Aries