BU Circini (BU Cir) ye una estrella de magnitú aparente +6,09V* BU Cir -- Variable Star of beta Cep typer (SIMBAD) asitiada na constelación del Compás. D'alcuerdu al nuevu amenorgamientu de los datos del satélite Hipparcos, el so paralax ye de 2,84 milisegundos d'arcu, polo que taría asitiada a unos 352 pársecs (1150 años lluz) del Sistema Solar.
BU Circini ye una xigante azul de tipu espectral B2III. Tien una lluminosidá 3733 vegaes mayor que la del Sol, según una elevada temperatura efectivo que, según la fonte consultada, ta ente 20.300 y 24.900 K. Xira sobre sigo mesma con una velocidá de rotación proyeutada de 53 km/s, magar ésti ye namái un valor mínimu. Ye una estrella masiva que la so masa ta nel rangu de 7,75 - 10,5 mases solares y tien una edá de 21,1 ± 1,0 millones d'años. La so bayura relativa de fierro ye inferior a la solar ([Fe/H] = -0,12), una carauterística común de munches estrelles de tipu B. Ye destacable el so eleváu valor de la rellación nitróxenu/carbonu (+0,12), siendo BU Circini una de les estrelles B más riques en nitróxenu na vecindá del Sistema Solar.
BU Circini ye una variable Beta Cephei que'l so rellumu varia 0,017 magnitúes. El periodu d'oscilación principal ye de 0,1276 díes pero esisten periodos secundarios.
Referencies
Categoría:Estrelles Categoría:Xigantes azules Categoría:Estrelles variables Categoría:Variables Beta Cephei Categoría:Constelación de Circinus