CK Carinae (CK Car / HD 90382 / SAO 238038)CK Car - Semi-regular pulsating Star (SIMBAD) ye una estrella variable na constelación de Carina, la quilla del Argo Navis. De magnitú aparente media +7,59, ye miembru de l'Asociación estelar Carina OB1-D, polo que puede envalorase la so distancia nunos 2200 pársecs o 7100 años lluz.
CK Carinae ye una superxigante colorada de tipu espectral M3Iab con una temperatura efectivo de 3550 K. Ye una estrella d'enorme tamañu, que'l so radiu ye 1060 vegaes más grande que'l radiu solar. El so radiu equival a 4,9 UA, lo que supón que si se topara nel llugar del Sol, la so superficie llegaría cuasi hasta la órbita de Xúpiter, quedando la Tierra englobada nel interior de la estrella. Sicasí, ye superada en tamañu por otres estrelles como VY Canis Majoris, μ Cephei o VV Cephei, consideraes les estrelles más grandes de la Vía Lláctea. Arriendes d'ello, CK Carinae ye tamién una estrella bien lluminosa, siendo la so lluminosidá 170.000 vegaes mayor que la del Sol.
Catalogada como una estrella variable semirregular SRC, el rellumu de CK Carinae varia ente magnitú +7,2 y +8,5 con un periodu averáu de 525 díes.
Ver tamién Llista d'estrelles más grandes conocíes Llista d'estrelles variables
Referencies
Categoría:Estrelles Categoría:Superxigantes coloraes Categoría:Estrelles variables Categoría:Variables semirregulares Categoría:Constelación de Carina