CW Leonis (IRC +10216 / CGCS 2619)CW Leo -- Variable Star of Mira Cet type (SIMBAD) ye'l nome de la estrella de carbonu más conocida y estudiada, que s'atopa na constelación de Leo. Anque visualmente ye una estrella bien tenue, ye, dempués d'Eta Carinae, l'oxetu estrasolar más brillosu del cielu en llonxitú d'onda de 10 μm,CW Leonis. The Internet Encyclopedia of Science yá que emite la mayor parte de la so enerxía como radiación infrarroxo. Alcuéntrase aproximadamente a 490 años lluz del Sistema Solar.
De tipu espectral C9.5y o CV7, CW Leonis amuesa una rellación ente los conteníos de carbonu y oxíxenu de 1,4. Tien una temperatura superficial de tan solo 1915 K y ye una superxigante que'l so radiu ye 826 vegaes más grande que'l radiu solar. La so lluminosidá bolométrica ye 17.000 mayor que la lluminosidá solar.
Como otres estrelles asemeyaes, CW Leonis pierde masa estelar a un fuerte ritmu; cada añu pierde l'equivalente a 3,3 × 10-5 mases solares. Alcuéntrase envolubrada por un cascu de gas y polvu formáu por material arrastrao pol vientu estelar. Nel cascu detectáronse, ente otros elementos, carbonu, nitróxenu, oxíxenu, siliciu, fierroIRC +10216. University of Sydney y tamién agua.Water Found Around Nearby Star CW Leonis (APOD, NASA) Piénsase que ye un raru casu de protonebulosa planetaria, un sistema nuna primer fase d'evolución escontra una nebulosa planetaria.IRC +10216 (Catalogue of Galactic Planetary Nebulae) Nel intre de los próximos 10.000 - 30.000 años, CW Leonis va morrer dexando tres de sigo una nebulosa planetaria y una nana blanca.CW Leonis. Jumk.de/astronomie
Como estrella variable, CW Leonis ye una variable Mira con un periodu de 630 díes que'l so rellumu varia ente magnitú aparente +10,96 y +14,8.CW Leonis (General Catalogue of Variable Stars)
Ver tamién Estrella de carbonu Llista d'estrelles más grandes conocíes Llista d'estrelles variables
Referencies
Categoría:Estrelles Categoría:Superxigantes coloraes Categoría:Estrelles de carbonu Categoría:Estrelles variables Categoría:Variables Mira Categoría:Constelación de Leo