Delta Horologii (δ Hor / HD 26612 / HR 1302) ye la segunda estrella más brillosa na constelación de Horologium, el reló, dempués de α Horologii. De magnitú aparente +4,93, ta na llende pa podese ver a simple vista. La estrella ye más visible nos meses alredor de payares, pero namái pa observadores asitiaos nel hemisferiu sur terrestre. Alcuéntrase a 175 años lluz de distancia del Sistema Solar.
Delta Horologii ye una estrella blanca de la secuencia principal, polo xeneral clasificada de tipu espectral A9V,Delta Horologii (SIMBAD)Delta Horologii (The Bright Star Catalogue) anque tamién foi clasificada como subxigante de tipu F2IV. Probablemente alcuéntrase a la fin de la so etapa como estrella de la secuencia principal —en que'l so interior tien llugar la combustión d'hidróxenu—, y ta empezando a tresformase nuna estrella subxigante de mayor tamañu, siendo'l so radiu 3,3 vegaes mayor que'l radiu solar. La so temperatura superficial ye de 6970 K y la so lluminosidá ye 27 vegaes mayor que la del Sol. Presenta una metalicidá daqué inferior a la solar ([Fe/H] = -0,09). Tien una masa doble de la del Sol y una edá envalorada de 1000 millones d'años.
Como otres estrelles estrelles de les sos carauterístiques, tien una alta velocidá de rotación —193 km/s—, cuasi 100 vegaes mayor que la del Sol.
Referencies
Categoría:Estrelles Categoría:Estrelles blanques de la secuencia principal Categoría:Constelación de Horologium