Delta2 Gruis (δ2 Gruis / HD 213080 / HR 8560) ye una estrella na constelación de Grus, la grulla, de magnitú aparente +4,12. Comparte la denominación de Bayer Delta con δ1 Gruis, magar dambes estrelles nun tán físicamente rellacionaes, pos s'atopen dixebraes ente sí unos 30 años lluz.
Delta2 Gruis ye una xigante colorada de tipu espectral M4.5IIIa con una temperatura de namái 3400 K. Ye tan lluminosa como 2200 soles (incluyendo una gran parte de la so enerxía que ye emitida como radiación infrarroxo) y el so radiu ye 135 vegaes más grande que'l radiu solar; si tuviera nel llugar del Sol, estiéndese hasta la órbita de Venus. El so rellumu varia 0,13 magnitúes y ta catalogada como una variable irregular. Alcuéntrase a 325 años lluz de distancia de la Tierra.
Una estrella de magnitú +9,2 asitiada a pocu más d'un minutu d'arcu nun ye una compañera real, formando una doble óptica con Delta2 Gruis.
Referencies
Delta2 Gruis (SIMBAD) Delta Gruis (Stars, Jim Kaler)
Categoría:Estrelles Categoría:Xigantes coloraes Categoría:Estrelles variables Categoría:Variables irregulares Categoría:Constelación de Grus