Errai (γ Cephei / γ Cep / 35 Cephei),Gamma Cephei - Star (SIMBAD) tamién conocida como Alrai, ye una estrella binaria na constelación de Cepheus. Distante 45 años lluz del Sistema Solar, tien magnitú aparente +3,22, siendo la segunda estrella más brillosa na so constelación dempués d'Alderamin (α Cephei).
Nome
El nome de Errai, según les diverses variantes —Alrai, Er Rai, Arrai o Al Rai—, provienen del árabe الراعي (ar-rā‘īy), «el pastor», títulu autóctonu d'Arabia. En China, esta estrella yera conocida como Shaou Wei, un guarda menor.Alrai (The Fixed Stars)
Carauterístiques físiques
La más brillosa de les componentes, Errai A, ye una subxigante naranxa de tipu espectral K1IV y 4920 K de temperatura, en fase d'evolución escontra xigante colorada. 10,6 vegaes más lluminosa que'l Sol, tien un radiu de 4,8 radios solares —valor llográu a partir de la midida direuta del so diámetru angular—. La so metalicidá ye cimeru a la solar nun 38%. Tien una edá averada de 3000 millones años, unos 1600 millones d'años más nuevu que'l Sol, pero al ser más masiva —la so masa envalórase en 1,6 mases solares— la so evolución foi más rápida. Les variaciones nel so espectru suxeren un periodu de rotación de 781 díes.
La estrella acompañante, una nana colorada de clase M1V, ta pocu estudiada. Orbita a una distancia entendida ente 12 y 26 UA al respective de la estrella principal —la órbita ye moderadamente escéntrica— con un periodu orbital ente 57 y 66 años. Tien una masa en redol al 30% o 40% de la masa solar.Errai (Stars, Jim Kaler)
Futura Estrella Polar
Por cuenta de la precesión de los equinoccios, Errai va sustituyir a Polaris como Estrella Polar del norte a partir del añu 3000 NE. Hacia l'añu 4000 ye cuando va tar más próxima al polu norte celeste, para, a partir del añu 5200, ser sustituyida por ι Cephei na so condición d'Estrella Polar.
Sistema planetariu
Alredor de la estrella principal del sistema afayóse un planeta, denomináu Gamma Cephei Ab o Errai A1, un 60% más masivu que Xúpiter. Muévese a una distancia media de 2 UA al respective de Errai A, nuna órbita relativamente escéntrica (ε = 0,115) que completa en dos años y mediu.Gamma Cephei Ab (The Estrasolar Planets Encyclopaedia)
La órbita d'un hipotéticu planeta terrestre con agua líquido taría asitiada aproximadamente a 2,9 UA de la estrella —l'equivalente a la llende esterna del cinturón d'Asteroides del Sistema Solar—. Sicasí, el planeta xigante descubiertu puede alteriar tantu la estabilidá como la formación d'un planeta nesta órbita.
Ver tamién Llista de planetes estrasolares Llista d'estrelles brilloses más cercanes
Referencies
Categoría:Estrelles Categoría:Subxigantes Categoría:Nanes coloraes Categoría:Estrelles binaries Categoría:Sistemes planetarios Categoría:Planetes estrasolares Categoría:Constelación de Cepheus