Eta Herculis (η Her / 44 Herculis / HD 150997)Eta Herculis (SIMBAD) ye una estrella na constelación d'Hércules de magnitú aparente +3,49. Alcuéntrase a 112 años lluz de distancia del Sistema Solar.
Eta Herculis ye una xigante mariella de tipu espectral G7.5IIIb con una temperatura superficial de 4900 K. Relluma con una lluminosidá 50 vegaes superior a la lluminosidá solar. El so radiu, calculáu a partir de la midida direuta del so diámetru angular por interferometría (0,00256 segundos d'arcu), ye 9,5 vegaes más grande que'l radiu solar.
Eta Herculis tien un baxu conteníu en metales, siendo la so bayura relativa de fierro aproximao'l 60% de la del Sol. Con una masa de 2,3 mases solares, la so edá envalórase nunos 1000 millones d'años, cuando empezó la so vida como una estrella blanca de la secuencia principal de tipu A0 similar a Vega (α Lyrae).Eta Herculis (Jim Kaler, Stars)
Una estrella visualmente cerca, a unos 2 minutos d'arcu, paez ser namái una compañera óptica, ensin qu'esista una verdadera rellación física con Eta Herculis.
Referencies
Categoría:Estrelles Categoría:Constelación d'Hércules