Eta Scuti (η Sct / HD 175751 / HR 7149 / HIP 93026)Eta Sct -- Star (SIMBAD) ye una estrella na constelación de Scutum, l'escudu. De magnitú aparente +4,83, ye la sesta más brillosa de la so constelación, dempués de α, β, ζ, γ y δ Scuti. Alcuéntrase a 207 años lluz del Sistema Solar.
Eta Scuti ye una xigante naranxa de tipu espectral K2III con una temperatura efectivo ente 4645 y 4710 K. Ye 54 vegaes más lluminosa que'l Sol y tien un diámetru unes 11 vegaes más grande que'l diámetru solar, comparable al de la conocida Pólux (β Geminorum), la xigante naranxa más cercana a nós. Xira sobre sigo mesma con una velocidá de rotación proyeutada de 3,0 km/s.
Eta Scuti ostenta un conteníu metálico comparable a la solar, siendo'l so índiz de metalicidá [Fe/H] alredor de +0,02. Tocantes a la so edá, ésta envalórase en 2800 millones d'años. Con una masa envalorada de 1,42 mases solares, la so cinemática correspuende a la d'una estrella perteneciente a la denomada «corriente de Hércules»; ésti ye un grupu grande estrelles nes cercaníes del Sistema Solar que la so velocidá de rotación alredor del centru galácticu difier significativamente de la que tienen la gran mayoría de les estrelles de la Vía Lláctea.
Referencies
Categoría:Estrelles Categoría:Xigantes naranxes Categoría:Constelación de Scutum