G 99-49 (GJ 3379 / LTT 17897)G 99-49 (SIMBAD) ye una estrella nes cercaníes del Sistema Solar que s'atopa a 17,2 años lluz de distancia. Asitiada na constelación d'Orión, ye la estrella más próxima dientro d'esta constelación. Conocida comúnmente pol so númberu de catálogu Giclas (G 99-49 o G099-49), namái apocayá determinóse la so distancia con un marxe d'error abondo pequeñu p'asegurar que s'atopa ente les 100 estrelles más próximes al Sistema Solar.
G 99-49 ye una nana colorada de tipu espectral M3.5V con una masa de 0,24 mases solares. El so radiu ye 1/4 parte del radiu solar y xira sobre sigo mesma con una velocidá de rotación proyeutada inferior a 3 km/s. La so lluminosidá bolométrica —en toles llonxitúes d'onda— equival al 2,3% de la lluminosidá solar. Tien un fluxu magnético superficial moderáu de 2000 G. Na base de datos SIMBAD, apaez catalogada como estrella acandilante; estes son estrelles que despiden fogarales sufriendo aumentos sópitos ya impredicibles nel so lluminosidá. De magnitú aparente +11,33, G 99-49 alcuéntrase bien per debaxo del estragal de rellumu por que seya observable a simple vista.
Les estrelles más cercanes a G 99-49 son Gliese 205 —tamién en Orión—, a 3,05 años lluz, Gliese 213, a 3,7 años lluz, y Gliese 223.2, a 4,3 años lluz.Stars within 15 light-years of Giclas 99-49 (The Internet Stellar Database)
Ver tamién Llista d'estrelles cercanes a la Tierra
Referencies
Categoría:Estrelles Categoría:Nanes coloraes Categoría:Estrelles variables Categoría:Estrelles acandilantes Categoría:Constelación d'Orión