Gamma1 Normae (γ1 Nor) ye una estrella de magnitú aparente +4,97Gamma1 Normae (SIMBAD)Gamma1 Normae (The Bright Star Catalogue) asitiada na constelación de Norma, la regla. Xunto a Gamma2 Normae (γ2 Nor) comparten la denominación de Bayer «Gamma» nuna constelación onde nun hai estrella «Alfa» nin «Beta». Dambes estrelles son absolutamente independientes, yá que Gamma1 Normae alcuéntrase a unos 1470 años lluz de distancia del Sistema Solar, ente que Gamma2 Normae ta 11 vegaes más cerca, a 128 años lluz.
Gamma1 Normae ye una superxigante mariella de tipu espectral F9Ia de 6077 K de temperatura efectivo. Con una lluminosidá igual a 2075 soles nun ye especialmente lluminosa pa ser una estrella superxigante, siendo les sos carauterístiques físiques non bien distintes a les de Sadalsuud (β Aquarii), anque ye daqué más caliente qu'ésta última. El so radiu ye 160 vegaes más grande que'l radiu solar,Catalogue of Stellar Diameters (CADARS) equivalente a 0,74 UA, aproximadamente la distancia que dixebra a Venus del Sol. Tien una masa 6,6 ± 0,4 vegaes mayor que la masa solar y una edá averada de 53 millones d'años.
Referencies
Categoría:Estrelles Categoría:Superxigantes marielles Categoría:Constelación de Norma