GJ 1276 (LHS 69 / WD 2251-070)GJ 1276 - White Dwarf (SIMBAD) ye una estrella del tipu nana blanca, de magnitú aparente +15,66. Encuadrada na constelación d'Acuariu, alcuéntrase visualmente a 51 minutos d'arcu de la brillosa Hydor (λ Aquarii).
Distante aproximadamente 26,3 años lluz del Sistema Solar, cerca d'ella atopen les nanes coloraes GJ 1286 y Gliese 849, a pocu más de 5,5 años lluz.Stars within 8 light-years of Eggen/Greenstein white dwarf 453 (The Internet Stellar Database) El so tipu espectral, DZ, indica la presencia de llinies metáliques nel so espectru, implicando una atmósfera rica en metales. L'aspeutu más notable d'esti remanente estelar ye la so baxa temperatura (4000 ± 200 K) en comparanza cola d'otres nanes blanques. Puesto que les nanes blanques nun xeneren enerxía por fusión nuclear, sinón que radien al esterior l'escesu de calor a un ritmu constante, col tiempu la so temperatura superficial va baxando. Consecuentemente, les nanes blanques «fríes» son oxetos bien antiguos; asina, GJ 1276 tien una edá envalorada —como remanente estelar— de 7390 ± 180 millones d'años. Igualmente la lluminosidá d'estos oxetos aparra col tiempu, siendo la lluminosidá de GJ 1276 namái'l 0,004% de la lluminosidá solar. A títulu comparativu, la Estrella de Van Maanen —la nana blanca solitaria más próxima al Sol— ye 4,5 vegaes más lluminosa qu'ella. La so masa, en redol al 52% de la masa solar, ye un valor bien habitual nesti tipu d'oxetos.
Referencies
Categoría:Estrelles Categoría:Nanes blanques Categoría:Constelación d'Acuariu