Fechos Clemente VI asocede a Benitu XII como Papa. Lluis I d'Hungría asocede a Carlos I Roberto d'Hungría como Rei d'Hungría. Lluis de Sicilia asocede a Pedru II de Sicilia como Rei de Sicilia. Sitiu d'Algeciras: Lleguen a la ciudá d'Algeciras les tropes de Castiella, Aragón y Xénova al pie de Cruzaos europeos y col sofitu del Rei d'Inglaterra, de Francia y del Santu Llar. Mientres más de venti meses d'asediu los alxecireños yeren sofitaos vía marítima polos meriníes de Xibraltar hasta qu'Alfonsu XI decide poner un cercu marítimu consistente en cadenes y tueros dende la Islla Verde hasta la sablera de los Lladriyos, esti cercu torgaba la entrada de cualquier embarcación a la ciudá. Hubieron de venir tropes de sofitu dende Granada énte la inminente cayida de la ciudá. La coalición de granadinos y meriníes atopóse coles tropes mandaes por Castiella nes proximidaes del ríu Palmonos venciendo Alfonsu XI y obligando a capitular a la ciudá.
Nacencies
Jeong Dojeon, eruditu y políticu medieval coreanu (m. 1398). Lleón VI d'Armenia, soberanu del reinu armeniu de Cilicia (o Armenia menor) de 1374 a 1393 (m. 1393).
Muertes
Pedru II de Sicilia, Rei de Sicilia ente 1321-1345 (n. 1305). Lluis I de Borbón, noble francés, ñetu de Lluis IX de Francia (n. 1280). Pedro Fernández de Castro "el de la Guerra", señor de Lemos y Sarria. Ñetu de Sanchu IV el Bravu, Rei de Castiella y Lleón.
Referencies
Enllaces esternos
Categoría:1342 Categoría:Sieglu XIV