Gliese 163 (GJ 163) ye una estrella de magnitú aparente +11,81LHS 188 -- High proper-motion Star (SIMBAD) asitiada na constelación de Doráu. Tien dos planetes estrasolares, afayaos en 2012.Gliese 163 b (The Estrasolar Planets Encyclopaedia)Gliese 163 c (The Estrasolar Planets Encyclopaedia)
Carauterístiques Gliese 163 ye una nana colorada de tipu espectral M3.5. Tien una temperatura efectivo de 3247 ± 66 K y la so lluminosidá bolométrica —en tol espectru electromagnéticu— correspuende al 2% de la lluminosidá solar. El so radiu equival al 46% del radiu solar y la so masa a 0,4 mases solares. Tien un conteníu metálico llixeramente inferior al del Sol ([M/H] = -0,08) y la so edá averada ye de 3000 millones d'años.
Alcuéntrase a 48,9 años lluz de distancia del Sistema Solar y la estrella conocida más cercana a ella, a 4,1 años lluz, ye la tamién nana colorada GJ 3279.Gliese 163 (WolframAlpha)
Sistema planetariu Dende 2012 conozse la esistencia de dos planetes n'órbita alredor de Gliese 163. El más internu, Gliese 163 b, tien una masa 113 vegaes mayor que la masa terrestre y muévese a 0,06 UA de la estrella.
El más esternu, Gliese 163 c, ye un planeta de tipu «supertierra» asitiáu na zona habitable de la estrella, lo que dexa la presencia d'agua líquido. Ye candidatu p'allugar vida, una y bones la temperatura na so superficie podría ser d'unos 60 °C. Magar esa temperatura ye demasiáu alzada pa organismos complexos, ye probable que seya apta pa la vida de microorganismos.
Referencies
Categoría:Estrelles Categoría:Nanes coloraes Categoría:Sistemes planetarios Categoría:Constelación de Doráu