Gliese 317 (GJ 317 / LHS 2037) ye una estrella de magnitú aparente +12 asitiada a 29,9 años lluz na constelación de Pyxis, la brúxula. A fecha de 2007 conozse la esistencia d'un planeta estrasolar y un posible segundu planeta, ésti ensin confirmar, orbitando alredor d'esta estrella.
Gliese 317 ye una nana colorada de tipu espectral M3.5V,LHS 2037 (SIMBAD) con una masa de 0,24 mases solares y una lluminosidá equivalente al 1% de la solar. Pal so color B-V, Gliese 317 ye sorprendentemente tenue, atopándose aproximadamente 1,8 magnitúes per debaxo de la secuencia principal. El so allugamientu nel diagrama de Hertzsprung-Russell suxer que pue ser una estrella subenana bien probe en metales. Sicasí, diversos estudios suxeren que GJ 317 tien una metalicidá similar a la solar ([Fe/H] = −0,23 ± 0,2) un valor muncho más alto que l'esperáu pola so posición nel diagrama H-R. Posibles errores na paralax o na midida de la magnitú pueden ser los responsables de la discrepancia.
Sistema planetariu
Gliese 317 b ye un planeta xovianu que xira alredor de la estrella a una distancia media de 0,95 UA —llixeramente inferior a la separación entra la Tierra y el Sol— nuna órbita moderadamente escéntrica, que fai qu'esta distancia varie ente 0,77 y 1,13 UA. Con una masa mínimo 1,2 vegaes la masa de Xúpiter, el so periodu orbital ye de 1,9 años.GJ 317 (The Estrasolar Planets Encyclopaedia)
La posible presencia d'un segundu planeta, Gliese 317 c, camudaría los parámetros orbitales del primer planeta. Si se confirma la so esistencia, Gliese 317 c tendría una masa de 0,83 vegaes la masa de Xúpiter con un periodu orbital de 7,4 años.
Nome Masa Semiexe mayor Escentricidá Periodu orbital Descubrimientu Gliese 317 b > 1,2 MJ 0,95 UA 0,193 ± 0,06 692.9 ± 4 díes 2007 Gliese 317 c > 0,83 MJ ? 0,42 2700 díes 2007
Ver tamién Llista de planetes estrasolares
Referencies
Categoría:Estrelles Categoría:Nanes coloraes Categoría:Planetes estrasolares Categoría:Constelación de Pyxis Categoría:Sistemes planetarios