Gliese 653 (HD 154363 / HIP 83591 / Wolf 635)LHS 431 - High proper-motion Star (SIMBAD) ye una estrella a 34,7 años lluz de distancia del Sistema Solar en direición a la constelación d'Ophiuchus, visualmente asitiada a 1,3º al suroeste de 30 Ophiuchi.
Forma un sistema binariu con Gliese 654 (HIP 83599 / Wolf 636),NSV 8176 - Variable Star (SIMBAD) siendo la separación visual ente dambes estrelles de 184,5 segundos d'arcu, equivalente a una distancia ente elles de más de 2500 UA.
Con magnitú aparente +7,73, Gliese 653 ye una nana naranxa de tipu espectral K5V. La so lluminosidá apenes supón el 11% de la que tien el Sol y la so masa envalórase llixeramente cimera a 2/3 de la masa solar. Ye comparable a otres nanes de tipu K nesta mesma constelación, tales como 36 Ophiuchi C o 70 Ophiuchi B. Presenta una exigua metalicidá —bayura relativa d'elementos más pesaos que'l heliu—, inferior a una cuarta parte de la solar.
Pela so parte, Gliese 654 ye una nana colorada de tipu M2 o M3.5V.Gliese 654 (ARICNS) De magnitú aparente +10,07, la so lluminosidá —nel espectru visible— ye 11 vegaes menor que la de la so distanciada acompañante. Piénsase que pue ser una estrella variable, recibiendo la denominación NSV 8176 nel New Catalogue of Suspected Variable Stars.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes naranxes Categoría:Nanes coloraes Categoría:Estrelles binaries Categoría:Constelación d'Ophiuchus