Gliese 793 (GJ 793)LHS 3558 -- High proper-motion Star (SIMBAD) ye una estrella na constelación de Cefeo de magnitú aparente +10,44. Demasiao tenue pa ser reparada a simple vista, alcuéntrase 2,5º al norte de θ Cephei, mui cerca de la llende cola vecina constelación de Draco. Alcuéntrase a 26,1 años lluz del Sistema Solar. La estrella conocida más cercana a ella ye Gliese 809, a 3,5 años lluz, ente que la brillosa χ Draconis alcuéntrase a 6,1 años lluz.Stars within 15 light-years of Catalogue Astrographique +65°6955 (The Internet Stellar Database)
Gliese 793 ye una nana colorada na redolada del Sistema Solar de tipu espectral M3.0V y 3437 ± 16 K de temperatura efectivo. La so lluminosidá nel espectru visible ye igual al 0,34% de la del Sol,Catalogue Astrographique +65°6955 (The Internet Stellar Database) ente que la so lluminosidá bolométrica equival al 1,8% de la solar, una y bones una importante cantidá de la radiación emitida por estes estrelles ye lluz infrarroxo invisible. Al igual que'l Sol, ye una estrella del discu finu.
La so velocidá de rotación proyeutada ye igual o inferior a 3,2 km/s. Nun esiste un claru consensu tocantes al so conteníu metálico; distintos estudios evalúen el so índiz de metalicidá [Fe/H] ente +0,01 y -0,20. Tien una masa averada equivalente al 39% la masa solar y les sos carauterístiques físiques son comparables a les de la estrella primaria de Struve 2398.
Referencies
Categoría:Estrelles Categoría:Nanes coloraes Categoría:Constelación de Cepheus